29.7 C
Chitral
22 جولائی, 2021
شاعری

تے ہَستیو غون وا خُور کا بویا؟

تے ہَستیو غون وا خُور کا بویا؟

اوا نا فہم ھتو کُوݰکی بے غم
مہ بچین تان شرین اورارو پالئے
متے شیلوغ دیتی وا مہ ھُوویران
ای سوت قصان کوریکار پویا أخر
خسمت چوڑینی وا تھے ای سیکینڈوت
سورو ورزنیا کیہ لاکھیرو بیرائے
ھارُونیا واژ رُوپھی اچی رُوپھیتم
رُوپھی وا ھانگ کوری کیڑیکا پھریتم
صف دون چیݯیق کوری مہ بُوھتوےئکو
وا کا قہری بیتی مہ عِش ارینی
ھاسے مہ پھار گانی گوڑو مُوڑا پرائے
مہ شیرین کیانی ھو رے مہ سُم تھشوش
مہ زد ھیہ اوشوئے مہ شانہ الور
شانہ ریک نو بیتی مہ "چانہ” الور
ٹُھونگ شالو لوٹ چھویوت دی تان دُونے وا
مہ گانی غیژی ھتے دُرونگو چُھویو
نیشی روشتیو باڈنگ پَستہ پیستائے
نہ کوسُوم مون اریر نہ کوستے ریتائے
شرین بلبل ریاو تان مہ لائیتائے
روشتی صفار بیرو بیرائے ہمونیہ
مہ غیچ غیچھوت گیتی اوراری باتم

ھیہ قِصہ تھے صِرف ای چھویو کیہ
کندوری خُور چیلاحو چُھوئے ہموݰ تان
ہنُون جوان بیتی مہ یادی گیکو
ہتوت خدمت کوریکو فرض جاݰومان
خدمتو تان سورا ای قرض جاݰومان

مگر سوال تاثیرو پسہ ساری
ہَتے ہَستیو غون وا خُور کا بویا؟؟

ناصر علی تاثیر

Leave a Comment